بسم الله الرحمن الرحيم
السلام عليكم ورحمة الله وبركاته
كيفكم عسآكم بخير إن شاء الله
اخواني الإعزاء نعلم قدر الوالدين
وفضلهما بعد الله سبحانه وتعالى على ابنائهما
فما بالكم بمن يقوم او تقوم بقتل ابيها لماذا لكي ترضي صاحبها او حبيبها ؟؟؟!!
ماطول عليكم
شوفو القصه
بنت قتلة أبوها علي شان واحد رقمها ...؟
القصة تقول إن فيه بنت تدرس في الثانوية واسمها (عبير ) مرة راحت السوق مع أمها
وقابلت واحد ورقمها((واخزياه)) المهم أخذت الرقم واتصلت عليه تعرفت عليه وهو
اسمه (خالد)المهم تعرفوا علي بعض وزادت العلاقة وقوت بينهم ...المهم كلن منهم
يبي يقابل الثاني ولا لقوا طريقه وفجأة جت فكره لخالد...
قال أقول عبير ليش ما نتقابل عند المدرسة ..
قالت عبير:: شلون وضح؟؟؟
قال اسمعي أنتي أبوج ينزلج الصباح ويروح الدوام صح؟
قالت :صح عليك..
قال انا أمرج وتركبين معاي
قالت بس المديرة بتدق على البيت
قال :: افصلي التليفون وارتاحي
قالت::بس خايفة أتوهق
قال جربي ونشوف
المهم راح ابو عبير ووصل بنته للمدرسة ومشى .. وثواني إلا وخالد واقف وركبت
عبير بسرعة وراحوا افطرو في هذاك الكوفي شوب الفخم وجلسوا يسولفون حوالي الساعة
12:15 راح خالد ونزل عبير ورجعت البيت وهي خايفة بس محد درى .. وكلمت خالد على
طول وقالت إن اهلها ما دروا
وطمنته وسولفوا شوي وقال خالد وشرايج اقابلج بكره
قالت :لالالا مو كل مره تسلم الجرة
قال :المرة هذي جايب لج هديه
قالت :مر وأشوف الوضع
ومر خالد في الوقت نفسه وركبت السيارة
المهم مالكم في طولت السالفة اخذوا على هالحال أسبوع كامل من السبت إلى
الأربعاء ...
وجاء يوم السبت اليوم اللي نست فيه عبير تفصل التليفون.. وطلعت مع خالد ..
ولا التليفون يرن ..قامت أم عبير (يالله صباح خير)
أم عبير:الووو
المديرة ::الو السلام عليكم
أم عبير :عليكم السلام من تتكلم؟؟
المديرة::أنا الأستاذة هدى مديرة المدرسة اللي تدرس فيها بنتج
أم عبير::هلا عسى ما شر
المديرة :لا ما فيه إلا الخير بس عبير لها أسبوع ما حضرت حق المدرسة عسى
ماهي مريضه ؟؟
أم عبير ::كيف ...((وصرفت الموضوع)) إيه الله يسلمج البنت مرضت شوي بس
المديرة :: زين ألف حمد الله على سلامتها مع السلامة ::
ام عبير دارت فيها الدنيا وما تدري شنو تسوي هل تعلم أبو عبير
ولا تمسك البنت وتسالها ؟؟..؟؟
المهم قالت لأبو عبير عن كل شيء وقال اسمعي لا تقولين لها
أي شي انا بشوف وين تروح...
ويوم الأحد وصل أبو عبير بنته ومشى شوي وصفط يمين إلا هاك
االلكزس تمر وتركب عبير بنته المهم اللكزس كانت مضللله
ومشى وراها أبو عبير الين هاك الشقق ونزلت عبير وخالد
ولحقهم أبو عبير ونزل ومسك راعي الشقق وقاله وين الشقة
وعلمه شقه 14 وطلع أبو عبير وهو يرقى الدرج كان خالد نازل
وما انتبه أبو عبير له المهم طق الباب وفتحت عبير وانصدمت
يو م شافت أبوها وضربها وهي أنحاشت للمطبخ وأخذت السكينة
تبي ترخرع ابوها وغلطت وطعنته في صدره وطاح الأبو مغمى عليه
وجاء خالد وشاف الموقف وقال لعبير بسرعة شيليه معاي للحمام
وحطوه في ((البانيو)) وترسوه ماء وحطو عليه صابون الغسيل تايد عشان الرغوه وطلعو
ورجع البنت للمدرسه وهي تفكر في
اللي صار حقيقة ولا خيال ..المهم طلعت من المدرسة ورجعت
مع الباص وطقت باب البيت ودخلت وكآنه مآ صآر أي شيء وتصيح وتقول :
ليه ابوي ما جاء واخذني من المدرسه
ساعة منتظرة عند باب المدرسه ولا جاء
واضطريت اني اروح مع اخو صديقتي
وبعد مده من الوقت رن جرس الباب
راحت عبير تفتح الباب
وتلقى ابوها واقف امامها ومبتسم ......!!؟؟
وصاااااااااااحت وقالت ::ابوي مو معقول
رد عليها ابوهآ وقال ::
مع تـــــــــايـــــــــــــد للغســـــيل مفيـــــش مستــــــحيل
هههههههههههههههههههههههههههههههههههههههههه تعيشو وتآكلو غيرهآ ههههههههههه
تقبــــ مروري ـــــــل
الأربعاء سبتمبر 29, 2010 1:27 am من طرف 
موضوع: فـتـــــــــإآهْ تقـــــتـل وآلــــدهـــــآ 